您的購物車沒有添加商品！
（852）5496 6966
（852）2718 8080 
目錄
（852）5496 6966
（852）2718 8080
2015年11月當時大約有 5-6萬谷友，某天晚上，我地決定放棄自已工作，全身投入貓界，設計屬於自已的店舖和品牌，努力為貓界服務。
既然要設計品牌，就一定要搵一個我地都鐘意嘅設計師。 當時已經開始創作自已漫畫嘅葉貓，係我地眾多名貓畫師之中最喜歡的一個，所以我地就主動聯絡佢，因為我地大家都鐘意貓，所以好自然一拍即合，佢一口就應承幫我地設計Banner 和Logo，而我們的第一代Banner 和Logo就係果陣時誕生了。
由於我地開始時資本有限，只拿著幾千蚊就創業，所以葉貓幫我地設計左呢個Banner 及Logo 之後，我地用佢黎無限創作，自已用PhotoShop自已搞，當然效果唔太好啦，但當時實在無乜辦法。
經歷左兩三年嘅努力，我地開始有更多嘅資源去做更多嘅設計，所以就搵葉貓著手再設計我地新一代嘅Banner （而家仲用緊）
講到呢度，我地又要解釋下我地個設計原意，先講我地個Banner，呢八隻貓分別係不同品種，毛色，性別，全部都係我地嘅要求加落去，包括有剪左左耳色三色女，剪左右耳嘅黑色仔，仲有真真正正灰藍色的英短等等，我地有個理想，希望無論係咩貓，天下貓貓同樣都係貓，全部都應該得到應得嘅愛。
至於我地個Logo， 其實係希望比大家感覺到隻貓攤開雙手， 等住比你抱咁樣，所以後來我地搵葉貓做動畫Opening時，再時以此為題制作出15秒的Video Opening
當然那年我地仲有其他野 包括我地平時好少有機會比大家見到嘅咭片都係出自葉貓手筆（屯門是我們舊地址）
後來越玩越開心，再搵葉貓幫我地設計一D簡單好玩嘅抽水漫畫同商品添
講到呢度，不得不提貓貓車，平時大家有機會係街度見到嘅貓貓車，當然都係出現葉貓手筆啦，呢個設計和顏色，我地有曾經出個Post問過大家意見，大家決定白色，米色 還是粉紅色架，最後可能多女仔啦，所以決定選用粉紅色囉，老闆男人老狗成日要渣住架粉紅車通街走，呢個反差，試過好多次遇到有心人特登上前昅下個司機係咩靚女.... 結果當然係見到一個肥佬而極度失望而回啦....
拿～大家都見到我地上面有個招牌啦，呢個招牌要多謝Canagan 贊助嘅，不過呢個招牌原先個設計真係唔講喇，都幾肉酸嘅.... 我地見到緊係唔批啦，之後叫Canagan搵葉貓幫手畫，而我地就負責設計，而家比我地個原設計和葉貓嘅出品，大家就明白到..... 畫師嘅重要性了....
多謝大家睇到呢度啦，我地特別要鳴謝以下單位
CanaganHK: https://www.facebook.com/CanaganHK
葉貓： https://www.facebook.com/cat.comics/
-100x100.jpg)
