主食罐界的異軍 - 天然密碼Nurture Pro

2020/07/02 0 Comment(s) 產品報告,

近幾年市面上大多左好多新主食罐，但好老實，來來去去都係吞拿魚,蝦,雞,蟹,南瓜.... 先唔好講貓食得悶唔悶，其實按照均衡飲食而言，我地都需要比多D唔同嘅野貓貓試下嘅。NurturePro 呢個牌子出現左都有大半年，首先要講下Nurture就唔係串錯字嘅唔係Nature/Natural 既意思，而係「養育」咁解，仲要養育到好Pro添喎。

以下係佢地嘅官方宣傳圖：

佢最主要嘅同其它品牌唔同係有埋L-Lysine 咁係OK嘅，食罐罐有少少LYsine 好過再餵丫，咁另外仲有樣野叫綠茶萃取物（Green Tea Extract）唔講以為無乜特別，綠茶啫！豆腐砂都有好多啦，拿！食落肚就唔好同D假野比，簡單而言Green Tea Extract係一個好好嘅補充品，比條Link大家自已睇下 https://formulawave.com/green-tea-catechins/ 咁除左有Lysine 同 GreenTea Extract呢兩樣法寶之外，更重要係佢嘅蛋白質高達 18%，呢個係咩概念呢？一般無乜肉嘅罐蛋白質得 8-10%左右，而好肉D嘅罐就有 12-15%左右，可想而知 18%即係比起D最一般嘅罐多成倍肉！

仲有喎佢話佢係主食罐，咁我就問個代理，喂，你咩標準主食呀！咁佢就Send 左張咁嘅圖比我...

由於佢話佢Pass左AAfco 所以佢有牛磺酸，維他命，礦物質都係理所當然的。

拿！呢篇文唔係官方文黎架，一字一句都係我地研究過先寫出黎，所以講到咁勁就唔係官方講嘅，而係真係按照Nurture Pro 嘅ingredients 寫出黎嘅！

好喇，輪到開罐罐睇真身環節，NurturePro D口味好怪雞，因為佢話有好多天然嘅野對貓都有益，所以就用黎做罐罐咁話.....

第一罐開嘅係紅莓罐，係裡面係絕對唔會有紅色嘅莓係度喎，好似普普通通嘅一個罐咁，但按官方講佢加左紅莓素落去，有助利尿，對泌尿系統有益嘅。

第二罐開嘅係木瓜，其實出面做罐罐通常係南瓜，木瓜真係好少有，佢除左同南瓜一樣有豐富纖維外，可以滑大腸，改善大便，成日痾唔出果D貓一定要試下，因為市面好少有。

第三罐好得意嘅生薑罐，我真係點諗都諗唔到佢會落生薑，根據廠方指貓貓好多時嘔吐都係因為腹脹胃氣，而生薑有助腸胃，最重要貓貓又出奇地鐘意食喎，所以都可以一試架。

第四罐我地試嘅係椰子，大家唔駛驚，唔硬嘅，可放心食用。咁椰子當然有豐富纖維啦，除此之外椰子仲可以有效控制血糖，加強免疫力。

第五罐係菠蘿罐，又係一款奇怪地貓貓喜歡食嘅口味... 菠蘿係很好饍食纖維，仲要可以幫助去毛球，所以都OK嘅。

最後一款，而係我地覺得最好的，就係貓草罐，食完可以冷靜D，又開心D 最可惜只對貓有效...

總結黎講，試完六罐解決左我六個擔心嘅問題，1 紅莓唔會酸 2 生薑唔會辣 3 菠蘿不太甜 4 椰子唔會硬 5 木瓜幾好味 6 貓草無草青味.....
所以大家可以放心食用，係喇由於呢個品牌古古怪怪，可能大家都會擔心，所以我地會有試食併盤每味一罐 $68 大家可以買返去試下，多謝大家～
http://www.catiscat.com.hk/index.php?route=product/product&product_id=4273

標籤： 主食罐